Monday, August 25, 2008

കുരീപ്പുഴ ശ്രീകുമാറിന്റെ കവിതകള്‍


‍ഇഷ്ടമുടിക്കായല്‍
മുടിയെട്ടും കോര്‍ത്ത്‌ കെട്ടി
വിരല്‍ നൂറാല്‍ കാറ്റൊതുക്കി
വിരിഞ്ഞങ്ങനെ തിരിഞ്ഞങ്ങനെ കിടക്കുന്നോള്‌
എന്റെ തുഴത്തണ്ടില്‍ താളമിട്ട്‌ തുടിക്കുന്നോള്‌!!
കരിങ്കക്കാ മുകില്‍ കൂട്ടം അമരത്തും അണിയത്തും
തടം തിങ്ങി മെല്ലെയങ്ങനെ തുഴഞ്ഞ്‌ പോകെ!!
എന്റെ ജലക്കൂട്ടെ നിറക്കൂട്ടെ നിറഞ്ഞ്‌ നില്ല്‌!
ദൂരെ പകലോന്റെ പള്ളിവേട്ടക്ക്‌ ഒരുങ്ങി നില്ല്‌!!
അഴുക്ക തൊണ്ടിന്റെ പോള ഇരിഞ്ഞുവച്ച്‌
റാണി കിലുക്കത്തില്‍ നടകൊള്ളും പൂ നിലാവത്ത്‌!
ഉറക്കത്തില്‍ ഉണരുന്നു തിരുനല്ലൂര്‌
നിന്റെ മടിക്കുത്തില്‍ തൊഴില്‍പ്പാട്ടിന്‍ തിരപ്പൂന്ചൂര്
മഴക്കോളില്‍ പിറക്കുന്ന നറും കൂഴാലി
ജലശീലക്കപ്പുറത്തെ മണല്‍ കണ്ണാടി
ഇവ തമ്മില്‍ കൊളുത്തുന്ന നിഴല്‍ കൂമ്പാരം
പ്രാച്ചിക്കരഞ്ഞാണം വിളക്കുന്ന വെയില്‍ കണ്ണാടി
വീരഭദ്രന്‍ കണ്ടു നില്‍ക്കെ കുളിച്ചു വന്നൂ..
ഉരുക്കള്‍ക്കായി വെറും മണ്ണില്‍ ഉരുണ്ടുരുണ്ട്‌...
ഒടുക്കം നില്‍ക്കുവാന്‍ വയ്യാതവരെ വിറ്റ്‌..
കയര്‍ ചുറ്റില്‍ കാലുടക്കീ ദ്രവിച്ചുനിന്ന്‌
ഇറച്ചിക്ക്‌ കള്ളുമായി തിരിക്കും നിന്റെ
തെറിച്ച മക്കളോടമ്മേ പൊറുത്തൂ നില്ല്‌!!
മുഖം പൊള്ളിച്ചെറിഞ്ഞ പെണ്‍ ശവത്തെ കുത്തി..
മറുതീരത്തണക്കുന്നോരിടവക്കാറ്റേ...
മറു തായ്‌ക്ക്‌ പിറന്നോരാ ചെറ്റകള്‍ ശൃംഖരിക്കും
തുരുത്തിന്‍മേല്‍ കരുത്തിന്റെ കയ്യൊളിപ്പിക്ക്‌..
ദൂരെ പ്രേത ബാധ ഏറ്റപോലെ രാത്രി വണ്ടി കൂകിടുമ്പോള്‍
പാലവും കേളനും തീരെ കുലുങ്ങുന്നില്ല.!!!
പെരുമണ്‍ തേരു കാണാനായി വെള്ളിമണ്‍ കാറ്റ്‌..
പനിക്കുന്ന പ്രാക്കുളത്തെ പ്രാക്കളോടൊത്ത്‌..
നേരം ഉച്ചതിരിഞ്ഞപ്പോള്‍ തിരിക്കുന്നുണ്ടെ!!
കൂടെ വണ്ടി മുങ്ങി മരിച്ചോരും പറക്കുന്നുണ്ടെ...
നയത്തില്‍ ചങ്ങാടമേറി കടവൂരേക്ക്‌...
പകല്‍ തോരും മുന്‍പ്‌ പോകും കോല്‍ കുതിരക്ക്‌...
ആളകംമ്പടിയായി നില്‍ക്കും പരുന്തിന്‍ കണ്ണില്
‍നിന്റെ ഓളമല്ലൊ തുളുമ്പുന്നു കറുമ്പിക്കോതെ!!
വിങ്ങും താളമായി ചര്‌രോ....പര്‌രോ....
തിളക്കുമ്പോള്‍ വിളിക്കമ്പോള്
‍കാഞ്ഞിരോട്ടും കരിമീന്റെ തൃക്കളിയാട്ടം!!!
കരിക്കും വെള്ളക്കയും പെയ്‌തൊഴിഞ്ഞ തെങ്ങില്‍
കരിഞ്ചെല്ലി കാവലേക്കും പാതിരാവത്ത്‌...
കടും പാറാന്‍ മധുവൂറ്റി തൊഴിച്ച തൊണ്ണാന്‍..
നെരിപ്പോട്‌ മാടനെയ്‌ത വടിയില്‍ കുത്തീ...
കായല്‍ ത്രസിക്കുമ്പോള്‍ ചിങ്ങ രാവേ കതിച്ച്‌ നില്ല്‌...
ദുരവസ്ഥ കവിയേ നീ ഒടുക്കം കണ്ടൂ...
ഗുരുവിന്റെ അരുള്‍ പൂക്കും വരക്കം കണ്ടൂ..
വയല്‍ പെറ്റ ധന്യമാര്‍ക്ക്‌ ‌ റൗക്കയും സ്‌നേഹവും പേറി
വില്ലുവണ്ടി ഓടിയോടി വരുന്ന കണ്ടു..
മണ്ണി‌ല്‍ കുരുത്തോന്‌...നടക്കാനും പഠിക്കാനും
ധരിക്കാനുംകുരുത്തോല പന്തലിട്ട നടുക്കം കേട്ടൂ...
ഒരിക്കല്‍ സാമ്പ്രാണിക്കോടിക്കടുത്ത്‌ വച്ച്‌..
മടികണ്ടു നടുക്കുഞാനിറങ്ങീ നിന്നൂ..
ആഴമെല്ലാം ഒളിപ്പിച്ച്‌്‌ കൊതിപ്പിച്ചോളെ..
നിന്റെ പൂ വയറ്റില്‍ പിറവികൊണ്ട തൊഴില്‍
തേടി പടക്കെല്ലാം പോര്‍വിളിക്കാന്‍
ഞണ്ടുവേണം കൂന്തലും വേണം!!!!!
കണ്ടവര്‍ക്ക്‌ പിറന്നോനെ കാട്ടുമാക്കാന്‍ കടിച്ചോനെ..
കടവില്‍ കല്ല്യാണി നിന്റെ അച്ചിയല്ല്യോടാ....
പാടി തിമിര്‍ത്ത ബാല്യകാലത്തിന്‍ നതോന്നത നനഞ്ഞുപോയി..
കുരിച്ചില്‍ കുത്തിയെന്‍ തൊണ്ട അടഞ്ഞു പോയീ...
കരയെല്ലാം കരിയുമ്പോള്‍ കരയുന്നോളേ..
ചീനവലക്കുള്ളില്‍ ചൂടയിട്ട്‌ ചിരിക്കുന്നോളെ..
ജയപാല പണിക്കര്‍ക്ക്‌ ലഹരിക്കായി ഇളം നീല,
ചുവപ്പ്‌ പച്ചയും ചാലിച്ചൊരുക്കുന്നോളെ....
ആഴിക്കഴുത്തില്‍ നീ നഖത്തുമ്പാല്‍ തൊടുമ്പോള്‍
ഞാനുമെന്‍ നോവും മഹാലോകം തൊട്ടതായിട്ടറിയുന്നുണ്ടേ...
മുടിയെട്ടും കോര്‍ത്ത്‌ കെട്ടി
വിരല്‍ നൂറാല്‍ കാറ്റൊതുക്കി
വിരിഞ്ഞങ്ങനെ തിരിഞ്ഞങ്ങനെ കിടക്കുന്നോള്‌
എന്റെ തുഴത്തണ്ടില്‍ താളമിട്ട്‌ തുടിക്കുന്നോള്‌!!

19 comments:

Ambi said...

കുഞ്ഞിപ്പെണ്ണ്
ഇത് അദ്ദേഹം എഴുതിയ കവിതയാണൊ? എങ്കില്‍ അതിവിടെ എടുത്ത് ചേര്‍ക്കാന്‍ അദ്ദേഹത്തിന്റെ/ പ്രസാധകരുടെ അനുവാദം ലഭിച്ചിട്ടുണ്ടോ?
അദ്ദേഹത്തിന്റെ കവിതകള്‍ എല്ലാവര്‍ക്കും പ്രീയപ്പെട്ടതു തന്നെ. പക്ഷേ അത് ഈ ബ്ലോഗില്‍ ഒരു പഠനത്തിന്റേയോ മറ്റോ ഭാഗമായല്ലാതെ അതേപടി എടുത്തെഴുതുന്നതിലെ സാംഗത്യം മനസ്സിലാകുന്നില്ല.അങ്ങനെ എടുത്തെഴുതണമെങ്കില്‍ അദ്ദേഹത്തിന്റെ അനുവാദം ലഭിയ്ക്കുകയും വേണം. അല്ലെങ്കില്‍ അത് പകര്‍പ്പവകാശ നിയമ ലംഘനമാകും.

പ്രിയ ഉണ്ണികൃഷ്ണന്‍ said...

കവിതകള്‍ എഴുതിയ ആളുടെ സമ്മതമില്ലാതെ എടുക്കുന്നത് നല്ലതല്ലല്ലോ. ഇങ്ങനെ എല്ലാ കവിതകളും അത് ചൊല്ലിയതുമൊക്കെ ഇന്റെര്‍നെറ്റില്‍ ഇടുമ്പോള്‍ അതുവഴി ആ പുസ്തകങ്ങളുടേയും കാസറ്റുകളുടേയും മാര്‍കറ്റ് തന്നെയല്ലേ കുറയുന്നത്?

കുഞ്ഞിപെണ്ണ് - Kunjipenne said...

പ്രീയപ്പെട്ട ambi,
അദ്ദേഹത്തിന്റെ പ്രീയപ്പെട്ട കവിതകളില്‍ ഒന്നാണിത്‌.
അഷ്ടമുടികായലുമായി ബന്ധപ്പെട്ടത്‌ ഇഷ്ടമുടിക്കായല്‍
അദ്ദേഹത്തിന്റെ ഏതാണ്ട്‌ എല്ലാ കവിതകളും സി,ഡി.രൂപത്തില്‍
ആദ്യം ഇറക്കിയത്‌ ഞാന്‍ തന്നെയാണ്‌.
മാത്രമല്ല ഇന്ന്‌ (25-08-2008) രാവിലെ ഞാന്‍ സംസാരിച്ച്‌ ഉറപ്പ്‌ വേടിച്ചിട്ടുണ്ട്‌.
ബ്ലോഗിലൂടെ ഒരു പഠനത്തിന്റെ സാധ്യത കൂടി ഉദ്ധ്യേശിച്ചാണ്‌ ഇങ്ങനെ ബ്ലോഗിലിട്ടത്‌.
ഇനി പ്രീയപ്പെട്ട പ്രീയ ഉണ്ണികൃഷ്‌ണന്‍,
മുകളില്‍ എഴുതിയത്‌ വായിച്ചില്ലെ?
പിന്നെ മാര്‍ക്കറ്റ്‌,
ഹൃദത്തില്‍ നിന്ന്‌ വരുന്നത്‌ മാര്‍ക്കറ്റ്‌ ചെയ്യുന്നതിനേക്കാള്‍
മറ്റുള്ളവരെ ചൊല്ലികേള്‍പ്പിക്കുമ്പോള്‍ അവരത്‌ കേട്ട്‌ സന്തോഷിക്കുമ്പോള്‍
ചിരിച്ചുകൊണ്ടിരിക്കുന്ന മനുഷ്യനാണ്‌ കുരീപ്പുഴ.
കവിത വായിച്ചതിനും മറുപടി എഴുതിയതിനും ഒത്തിരി സന്തോഷം അറിയിക്കുന്നു.
അദ്ദേഹത്തിന്റെ വിലാസം
കുരീപ്പുഴ ശ്രീകുമാര്‍
കരിങ്ങന്നൂര്‍ പി.ഒ
കൊല്ലം
ഫോണ്‍: 0474 2466505

ഒത്തിരി സ്‌നേഹത്തോടെ
കുഞ്ഞിപെണ്ണ്‌.

Ambi said...

കുഞ്ഞിപ്പെണ്ണ്,
അദ്ദേഹത്തിന്റെ അനുവാദത്തോടെയാണേങ്കില്‍ ഈ കവിത കാണാന്‍ ഇടായാക്കിയതിനു പെരുത്ത് നന്ദി.
ഒരു നിയമമോ പോലീസിങ്ങോ ഒന്നുമായെടുക്കില്ലെങ്കില്‍ ഒരു നിര്‍ദ്ദേശം പറയണമെന്നുണ്ട്.ഇത്തരം കവിതകളോ മറ്റുള്ളവരുടെ പകര്‍പ്പവകാശത്തിലുള്ളതോ ഒക്കെ ബ്ലോഗില്‍ (പ്രത്യേകിച്ചും കൊല്ലം പോലെ ഒരു കൂട്ടുബ്ലോഗില്‍) എടുത്ത് ചേര്‍ക്കുമ്പോള്‍ ഒരു ചെറിയ കുറിപ്പു കൂടി കൊടുക്കുന്നത് എനിയ്ക്കും പ്രീയയ്ക്കും ഉണ്ടായപോലെയുള്ള സംശയങ്ങള്‍ ഒഴിവാക്കാന്‍ സഹായിയ്ക്കും.
കുരീപ്പുഴയുടെ കവിതകളേപ്പറ്റി ബ്ലോഗില്‍ ഇപ്പൊ ഒന്നുരണ്ട് തവണയായി പോസ്റ്റുകള്‍ വരുന്നു. നാട്ടിലെ ലൈബ്രറിയില്‍ ഒന്നു രണ്ട് പ്രാവശ്യം ചില പരിപാടികള്‍ക്ക് അദ്ദേഹം വന്നപ്പോള്‍ ഞാന്‍ കണ്ടിട്ടുണ്ട്. കാസറ്റിലൂടെ വന്ന കവിതകള്‍ കേട്ടിട്ടുമുണ്ട്.
കേട്ട കവിതകളോടെല്ലാം ഭയങ്കര ഇഷ്ടമായിരുന്നു. ഈ കവിത കണ്ടിട്ടേയില്ല. അഷ്ടമുടിയുടെ താളമിട്ട് തുടിപ്പിനെ അങ്ങനെയങ്ങനുഭവിപ്പിയ്ക്കുന്ന ..കരിംകക്കാ മുകിലിനെ നനഞ്ഞ ബാല്യത്തിന്റെ നതോന്നതകളേ....എന്തായാലും കുരീപ്പുഴയോട് സലാം.

ഞാനിത് ഉറക്കെ പാടുകയാണ്.

കാന്താരിക്കുട്ടി said...

കുഞ്ഞിപ്പെണ്ണ് : കുരീപ്പുഴ ശ്രീകുമാറിന്റെ അനുവാദത്തോടെ ആണു ഈ കവിത പോസ്റ്റ് ചെയ്തതെങ്കില്‍ ഒത്തിരി നന്ദി അറിയിക്കുന്നു.ഇത് ആരെങ്കിലും ആലപിച്ചിരുന്നെങ്കില്‍..

ചില കവിതകള്‍ ആരെങ്കിലും പാടിക്കേള്‍ക്കുമ്പോള്‍ നല്ല ഒരു ഇഷ്ടം തോന്നാറില്ലേ..“ കുഞ്ഞിപ്പെണ്ണ് “ ആലപിച്ചാലും മതി.

അനില്‍ വേങ്കോട്‌ said...

കുരീപുഴ മലയാളത്തിലെ ഏറ്റവും ശക്തനായ സാംസ്ക്കാരിക പ്രവര്‍ത്തകനാണ് .
കവിതയും ആ പ്രവര്ത്തനോപകരണമായി അദ്ദേഹം ഉപയോഗിക്കുന്നു.
കവിയും കവിതയും തമ്മിലുള്ള പരസ്പര്യത്ത്തില്‍ ഊന്നിയ ഒരു ചര്‍ച്ച മലയാളത്തില്‍ കുരീപുഴയെ മുന്‍ നിറുത്തി ഉണ്ടാകേണ്ടതാണ് .

കുഞ്ഞിപെണ്ണ് - Kunjipenne said...

പ്രീയമുള്ള ambi,
അമ്പി പറഞ്ഞത്‌ പൂര്‍ണ്ണമായി ഉള്‍ക്കൊള്ളുന്നു
ഇനി അങ്ങനെ ചെയ്യാം
എന്തു ചെയ്യാം ഞാനടുത്തില്ലല്ലൊ ഉണ്ടായിരുന്നെങ്കില്‍ നമുക്കൊരുമിച്ച്‌ ഉറക്കെ പാടാമായിരുന്നു.
കരിംങ്കക്ക മുകില്‍ കൂട്ടം അമരത്തും അണിയത്തും
തടം തിങ്ങി മെല്ലയങ്ങനെ തുഴഞ്ഞ്‌ പോകേ...
കാന്താരി: പെരുമ്പാവൂര്‌ ഇങ്ങനെ അയ്യത്തും പറമ്പിലുമൊക്കെ നിന്നാല്‌ ആരെങ്കിലും പിച്ചി എരിവ്‌ നോക്കും
പിന്നെ, "ഇരുളിന്‍ മഹാനിദ്രയില്‍ നിന്നുണര്‍ത്തി നീ " ബ്ലോഗില്‌ പാട്ട്‌ പാടിക്കുന്ന പുത്തി ഒന്ന്‌ പറഞ്ഞ്‌ താ...നമുക്ക്‌ അണ്ണനെ (കുരീപ്പുഴ) കൊണ്ട്‌ തന്നെ ഒന്ന്‌ പാടിക്കാം ഇല്ലങ്കി ഞാനങ്ങ്‌ പാടുേേമേ...
അനില്‍,
പക്ഷെ അനില്‍ എന്ത്‌ ചെയ്യാം......

Ambi said...

കുഞ്ഞിപ്പെണ്ണ്
ഇവിടേയും ഇവിടേയും ഒക്കെ ഒന്നു പോയി നോക്കൂ..കുരീപ്പുഴ കൂടി പാടുകയാണേല്‍ ഗംഭീരമായി. പിന്നല്ലാതെയെന്തിന് ബ്ലോഗ്?? :)

വാല്‍മീകി said...

ഇവിടെനോക്കൂ..

PIN said...

നല്ലകവിത.
പോസ്റ്റുചെയ്തതിനു നന്ദി...

മാംഗ്‌ said...

അദ്ദേഹത്തിന്റെ ജെസ്സി എന്ന കവിത കേട്ടു കേട്ടു ഒരു മുടിഞ്ഞ ആരാധകനായി മാറിയ എന്നെ പൊലുള്ളവർ കാതിരിക്കുന്നതും ഇതുപോലെ വല്ലപ്പോഴുമുണ്ടാകുന്ന കവിതയുടെ പൂക്കാലത്തിനാണു അദ്ദേഹത്തിന്റെ ജെസ്സി എന്നകവിത ആലപിച്ചാണു ഞാൻ ആദ്യമായി സമ്മാനം
വാങ്ങുന്നതു സ്കൂളിൽ പഠിക്കുംബോൾ
ഒരു പാടു നന്ദി

ജിഷ്നു said...

ഞാ‍ൻ ഈ ബ്ലൊഗിങ് രങ്കത്ത് ഒരു ‘പൊടിക്കൊച്ചാണു‘ അധികം കാര്യങ്ങൾ എനിക്കു അറിയില്ല. എന്നേക്കാൾ സീനിയർ ബ്ലോഗന്മാരായ നിങൾ എന്റെ ബ്ലോഗ് വ്വായിച്ച്, മാറ്റങൽ നിർദെശിക്കണം………. പ്ലീ….സ്….. എറ്ന്റെ ബ്ലോഗ് അഡ്രസ് ഇതാനു… http://punarnavaayurveda.blogspot.com പിന്നെ ഈ അഗ്രഗേറ്ററിൽ കേറുന്നത് എങനെ ആ‍ാനെന്നും ഒന്നു പരഞു തരണം

ദേവന്‍ said...

നല്ല സുഖമാണ്‌ കുരീപ്പുഴയുടെ ശബ്ദം കേള്‍ക്കാന്‍. പ്രിയംകരമായ ശബ്ദം.

nardnahc hsemus said...

കവിത മനോഹരം

എം.എച്ച്.സഹീര്‍ said...

njan oru kollam karanu ennum cherkku ningakude kollam blogil..
kavitha vayichu valare nanayirkkunnu ennnu parayandallo...sree kumarinte kavithayalle..

കുഞ്ഞിപെണ്ണ് - Kunjipenne said...

വാല്‍മീകി നന്നായി ട്ടോ...
Pin ...സുഖമെന്ന്‌ വിശ്വസിക്കുന്നു...
മാംഗ്‌...നന്ദി....കേരളത്തിലെവിടെ?
ജിഷ്‌ണു ....ആ അഡ്രസ്സില്‌ വരാന്‍ ഞാനൊന്ന്‌ ശ്രമിച്ചുനോക്കി നടന്നില്ല.
ഇനിയിപ്പം വിവരമുള്ള മറ്റാരെങ്കിലും സഹായിക്കും ....
ദേവേട്ടോ....ഈ സഹീറിക്കാനെ ഒന്ന്‌ സഹായിക്കൂ പ്ലീസ്‌...
nardnahc hsemus ...ഇതെന്താ ഈ പേര്‌ ....നന്ദി ട്ടോ...
സഹീറിക്കാ കൊല്ലെത്തെവിടെ....
ബ്ലോഗില്‌ ചേര്‍ക്കുന്ന കാര്യം ദേവേട്ടനെ അറിയിച്ചിട്ടുണ്ട്‌

ദേവന്‍ said...

Saheerinu njaan nerathe thanne oru invitation ayachirunnathaaN~. ithuvare accept cheythu kandilla.

innu orikkal koode ayachittundu (to the mail address in ur profile) adhavaa kittiyillenkil spam mails il onnu nokkoo,
sasneham
devan
(ente PC alla, ith malayalam support cheyyilla, kshamapanam)

KURIACHAN MALIAKAL said...

eee kavitha ivide ezhuthiyathu aranenkilum ayaalkku ente ente hridayathinte bashayil nanni reka peduthunu

Anwar Shah Umayanalloor (Poet) said...

വരികളിലൊരു പുതു പുലരിയൊളിപ്പി-
ച്ചെഴുതാന്‍ കഴിയുവതെങ്ങനെയെന്ന്
മധുരംകിനിയും രചനകളാല്‍ പ്രിയ-
സോദരകവി പകരുന്നെന്നകമേ..!
_അന്‍വര്‍ ഷാ ഉമയനല്ലൂര്‍_